Inaanyayahan ang mga leksikograpo, mananaliksik, lingguwista, at iba pang alagad ng wika sa libreng Simposyum para sa Leksikograpiya na idadaos ng Komisyon sa Wikang Filipino sa 23-24 Nobyembre 2016, 8:00nu-5:00nh sa Benitez Theater, Kolehiyo ng Edukasyon, Unibersidad ng Pilipinas, Diliman, Lungsod Quezon.

Layunin ng simposyum na talakayin ang mga teorya, praktika, at solusyon sa mga suliranin na kaugnay ng pagbubuo ng diksiyonaryong Filipino at iba pang wika sa Filipinas.

Tampok sa simposyum bilang tagapanayam ang mga alagad ng wika kabilang sina Dr. Purificacion G. Delima, Full-time Komisyoner sa Programa at Proyekto ng Komisyon sa Wikang Filipino; Dr. Galileo S. Zafra, iskolar sa wika at panitikan mula sa Unibersidad ng Pilipinas; Dr. Anicia del Corro, isang lingguwista at manunulat sa wikang Kapampangan; Dr. Nina Christina Lazaro-Zamora, isang lingguwista, mananaliksik wika, awtor at konsultant ng teksbuk; Dr. Arthur P. Cassanova, isang manunulat ng panitikan ng Filipinas, edukador, direktor, awtor ng teksbuk; Dr. Christian George C. Francisco, awtor ng teksbuk sa Filipino; Dr. Tereso S. Tullao, Jr., isang ekonomista, propesor sa ekonomiks mula sa De La Salle University-Manila; at Dr. Benjamin Mendillo, PunĂ², Sangay ng Salin ng Komisyon sa Wikang Filipino.

Maaaring makipag-ugnayan kay Victoria G. Corrige-Casoy sa mga telepono blg. 2439855, 0998-3280515, 0915-8465459, o mag-email sa may20_72ma.victoria@yahoo.com kung may tanong o paglilinaw.